App altoadigemobilità con convalida online

Le smartphone impede l’aparat da convalidé

Südtirol Pass, Euregio Family Pass, Südtirol Pass abo+ o 65+: convalidé digitalmënter i iadi

Che che á n Südtirol Pass o n Euregio Family Pass o n Südtirol Pass abo+ o 65+ cun funzion de paiamënt ativeda pó ince convalidé le iade cun le bus o cun la ferata sön l’app südtirolmubiltà. A chësta moda ne vál nia debojëgn da convalidé le iade denanco pié ia pro l’aparat bröm.

Le iade vára da convalidé o storné canchemai cina alplü tert n menüt denanche le bus o la ferata pëies ia. La cherta é ativa pian ia dal orar de partënza dl meso de trasport y vel tratan döt le iade.

Sciöche alternativa pó le iade chirí fora sëgn ince gní obliteré a man plü adora. Chësc é d’öga por les porsones che s’anüza di mesi de trasport che é bele val’ menüc dan l’orar dla partënza programada iló y ó ti mostré le „iade atif“ al ciafer dl bus canche ares sënta sön bus. An fej insciö: cliché sot „Iadi programá“ / „Detais“ le botun bröm „Obliteré sëgn“. Da dailó inant vëgn sö le iade chirí fora sciöche iade atif.

Al é madër da porvé fora: chiló él le video

Convalidé i iadi online – an fej insciö:

  • chiride sön l’app n coliamënt cun le bus o la ferata: dede ite da olache i piëis ia y olache i orëis jí;
  • chiride fora y “cumprede” le iade che i orëis;
  • dede ite le numer dl Südtirol Pass;
  • confermede CGV y privacy;
  • le codesc d’azes vëgn ortié por SMS o e-mail al contat dé ite tl portal dl Südtirol Pass;
  • dede ite le codesc d’azes;
  • chiride fora la cherta (Südtirol Pass o Euregio Family Pass);
  • sce al vá debojëgn convalidede ince por tó para la roda o n tier;
  • convalidede le iade.

Trá jö le prisc dl iade: Clican sön „convalidé iade“ vëgnel cumpré a na moda vincolënta la cherta. Le prisc efetif dl iade vëgn trat jö da osc cunt o da osc credit tignin cunt de osc scalin tarifar atual.

Control sön le bus y la ferata

Por le control dla cherta él da mostré le smartphone cun le „iade atif“ y plü avisa:

  • sce an vá cun n bus regional al ciafer o ala ciaferia canche an sënta te bus,
  • al personal de control tles ferates y ti bus de cité.

Al iade atif y ai iadi planificá pón ti ciaré tla app clican sön l’icona lila söinsom a man dërta.

Tl ticketshop vëgn sëgn ince sö sot „Mi iadi“ y „Iadi atifs“ l’inom y le cognom. Cun chësta informaziun él plü saurí da fá i controi sön i mesi de trasport y an n’á nia plü bria da se tó para le Südtirol Pass sce an obliterëia online.

Storné le iade: can y co?

Sce n iade é bele gnü convalidé online, spo velel ma por le iade che an á chirí fora.

Ezeziuns: Sce le iade toma fora o sce an se jöma ia le iade de coliamënt porvia de n’intardiada dl bus o dla ferata, pón tó le bus o la ferata dedô zënza storné le iade. Sce i orëis se fá rete i scioldi ajache osc iade é tomé fora podëise ti scrí a customerservice@altoadigemobilita.info.

Sce i ne fajëis indere nia le iade, spo vára da le storné cina un n menüt denant che al pëies ia le bus o la ferata. Le cost dl iade ne vëgn te chësc caje nia trat jö y al ne costa gnanca nia da storné le iade.

Lueges de venduda
Na cherta de viac ie n generel riesc ala man.
Mo d'autra nfurmazions
Crissa orares
Ti trassa da A a B: duc i orares, duta la fermedes y duc i details.
Mo d'autra nfurmazions

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.