Dër n bel panorama a 1.364 metri
La Mendola é n bel travert d'escurjiun sides d'isté mo ince d'invern. Naota che an é lassö se deura tröpes poscibilités da jí a pe y ince cun la roda. Söinsom le Ju dla Mendola vára da rové saurí cun la furnadoia.
Orars y chertes
I orars de partënza dla furnadoia dla Mendola é da ciafé, sciöche porater düc i coliamënc de südtirolmubiltà, sön nosta plata web o sön la App südtirolmubiltà. Adorëise na cherta? Degun problem, tl ticketshop ciafon da cumpré sides chertes por n iade su che ince chertes da jí y da gní derevers por la furnadoia dla Mendola.
Rové adalerch cun le bus
Che che ó jí sön la Mendola da Balsan pó tó le bus 131 dala staziun dles corieres cina Kaltern (architada dla staziun) y spo dailó mudé y tó le bus 138 (direziun St. Anton). Chiló scomëncia le iade panoramich cun la furnadoia dla Mendola, öna dles furnadoies plü lunges y plü ërtes de döta l'Europa, che é originariamënter gnüda fata sö dl 1903.
Ara se trata de na trassa de 2.374 metri cun na pendënza mascimala dl 64 porcënt. Le iade cina ala staziun a munt a 1.364 metri döra indöt 12 menüc. Canche an é lassö pón se gode n panorama spetacolar cun odüda sön le raiun sot Balsan y l'"Überetsch".
De plü informaziuns é da ciafé CHILÓ.