Les spëises por abonamënc dl trasport publich pó gní trac jö dales cutes sön le davagn (IRPEF). Y plü avisa pól gní trat jö le 19 porcënt de alplü indöt 250 euro.
Ci abonamënc pón pa trá jö?
- Südtirol Pass
- Euregio Family Pass
- Südtirol Pass abo+
- Südtirol Pass 65+
Bun da savëi
- Les spëises dl abonamënt pó gní trates jö dales cutes sce al é gnü paié cun na modalité de paiamënt a chëra che ara vá da ti jí do (por ej. bancomat, paiamënt bancar diret, cherta de credit y i.i.).
- Pro la soma complessiva de 250 euro pól gní dé dant les spëises anuales por le Südtirol Pass o l'Euregio Family Pass, sciöche ince les somes o tarifes anuales de abonamënc por porsones de familia a ciaria.
- Al mëss gní tut demez dala soma totala paiamënc en contanc y spëises dl Südtirol Pass o de d'atri abonamënc che le datur/la daturia de laur á bele retü.
Tignide sö prëibel les cubites a na moda da podëi les mostré sö sce al vá debojëgn.
Na suravijiun de Ostes spëises por l'abonamënt dl 2023 ciafëise CHILÓ da desćiarié, scrí fora y ortié inant. La medema suravijiun ciafëise ince sce i jëis sön Osc cunt de südtirolmubiltà.