Cie che l cunvalidadëur uel ve dì

Tlo la sëuraududa cun paroles y imajes

I njins de cunvalidazion brums ie cunzepii sibe per chertes de viac contactless che per chertes de viac cun striscia magnetica. Coche la cunvalidazion muessa unì fata, ce opzions che l ie y a cie che l ie da abadé vën mustrà sun l display.

Cherta de viac contactless

Tenide vosta cherta de viac permez al sensor.

Cherta de viac cun striscia magnetica

Metëde vosta cherta de viac da lassù ju tl automat de cunvalidazion brum.

Südtirol Pass / Euregio Family Pass pra la cunvalidazion tla stazion

Ulà ulessais’a furné? Prëibel dajëde ite l numer de codesc dl luech de destinazion. Cialëde do sun la tabela pra l automat de cunvalidazion.

La cunvalidazion ie unida fata sciche l toca.

Nce:
Ëis iust bele cunvalidà vosta cherta de viac.

Südtirol Pass / Euregio Family Pass

Vosta cherta de viac ne possa nia unì nuzeda, prëibel ativëdela:

  • per telefon tres l numer 0471 220880
  • pra la purteles de venduda südtirolmubiltà
  • online tres vosc cont de nuzeda

Südtirol Pass duta la variantes

Vosta cherta de viac ie unida blocheda y ne possa nia plu unì adurveda.

Südtirol Pass prepaid y Euregio Family Pass prepaid

Metëde verda: vosta soma resteda sun la cherta ie sot a i 10 Euro. Pudëis mo fé chësc viac, ma ciariede prëibel inò su vosc Südtirol Pass pernanche la va.

Südtirol Pass abo+ y Südtirol Pass 65+

Ve ëis damandà n duplicat ma ne l ëis mo nia paià.

Südtirol Pass prepaid y Euregio Family Pass prepaid

Metëde verda, ne ëis plu degun credit restënt sun vosta cherta!  Cun chësta cherta de viac ne pudëis śën nia furné.

Sce l rest sun vosta cherta ie manco che nul Euro (saldo negatif) durel n pez nchin che l ciariamënt vën registrà y nchin che pudëis inò furné cun vosc Südtirol Pass. Sce la cherta ie tl minus ne iel nia puscibl la ciarië su tla curiera.

Südtirol Pass postpaid y Euregio Family Pass

Metëde verda: vosta ultima conta ne ie mo nia unida paieda. Do che l’ëis paieda pudëis inò ve nuzé de vosc Südtirol Pass.

Südtirol Pass y Euregio Family Pass

Sce teniëis vosta cherta, do che l’ëis cunvalideda, mo n iede permez al sensor dl cunvalidadëur vëniel ora, aldò dl mesun de trasport, chësta opzions defrëntes:

  • cunvalidazion de njonta per tò pea n cian
  • cunvalidazion de njonta per tò pea la roda
  • pra la stazion pudëis tl tëmp de 45 menuc anulé la cunvalidazion bele fata tlican l simbul “cherta de viac cuecena straicheda tres”
  • “Exit“: la cunvalidazion de njonta vën fermeda

Duta la chertes de viac

Vosta cherta de viac à n defet y la ne vën nia lieta dal njin de cunvalidazion.

Sce vosta cherta de viac ie danejeda a na maniera che n l vëij ne possela nia plu unì adurveda. Prëibel njinieve na cherta nueva.

Sce vosta cherta de viac ie danejeda, ma n l vëij nia, pona velel chësta regula:

  • Cherta scëmpla: dan che n fej l viac iel da cumpré na cherta de viac regulera; la soma de paiamënt per la cherta da defet vën retuda pra na luegia de venduda südtirolmobil.
  • Südtirol Pass abo+, Südtirol Pass 65+, Südtirol Pass free: n possa mpò fé l viac; dadedò, prëibel, se damandé riesc n duplicat.
  • Mobilcards, Südtirol Guest Pass: la cherta de viac possa unì nuzeda n chël di; n possa la baraté pra na luegia de venduda südtirolmobil, te n ufize per l turism o tl albierch ulache n sta.

Südtirol Pass, Euregio Family Pass

L codesc dl luech de destinazion ne vel nia. Prëibel cuntrolëde l codesc dl luech de destinazion y dajëdel ite mo n iede.

La cherta de viac ne vel tl mumënt nia.

Vosta cherta de viac ne vel sun chësta linia nia.

 

Vosta cherta de viac vel permò do la data data dant.

Vosta cherta de viac vel nchin ala data finela data dant.

Vosta cherta de viac ne vel nia plu y la ne possa nia plu unì adurveda.

L njin de cunvalidazion ie n pert da defet.

L ie mé puscibl cunvalidé chertes de viac cun striscia magnetica.

L njin de cunvalidazion ie n pert da deft.

L ie mé puscibl cunvalidé chertes de viac contactless.

L njin de cunvalidazion ie da defet y ne funzionea nia.

Nightliner

La cunvalidazion ie unida fata sciche l toca.

Lueges de venduda
Na cherta de viac ie n generel riesc ala man
Mo d'autra nfurmazions
Crissa orares
Ti trassa da A a B: duc i orares, duta la fermedes y duc i details.
Mo d'autra nfurmazions

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.