Che che frecuentëia na scora o na université fora dla provinzia y passa i mëisc da d'isté tl Südtirol dess se arjigné n Summer abo+.
Bel anfat sce al é por le tëmp lëde o le laur da d'isté, por n import pauscial de 75 euro pón s'anuzé de jügn, messé, agost y setëmber, tan de iadi che an ó, de düc i mesi de trasport südtirolmubiltà.
Chësta varianta dl Südtirol Pass abo+ é gnüda cheriada aposta por dötes les porsones jones y adultes sot i 28 agn.
Olá ciafi pa mi Summer abo+?
- Se comané n Summer abo+
Sce an se comana sëgn n Summer abo+ spo ciarel fora, dal punt de odüda tecnich y ince otich, avisa sciöche n Südtirol Pass, te chël che al é bele gnü ativé le pachet surapró Summer abo+. Chësc ó dí: da adoré le Summer abo+ vel avisa i medemi criters sciöche pro le Südtirol Pass normal.
- Le Südtirol Pass abo+ devënta n abo sajonal
Tl cunt personal online vára saurí da ativé le pachet surapró Summer abo+ sciöche injunta a to Südtirol Pass abo+. Chësc pachet surapró vel da jügn cina setëmber.
- Integré le Summer abo+ te n Südtirol Pass o Euregio Family
Le pachet surapró Summer abo+ pó gní ativé tres le cunt personal online dl Südtirol Pass o dl Euregio Family Pass (dagnora tignin cunt dles condiziuns de validité generales y dles limitaziuns por le Summer abo+). Al prisc pauscial de 75 euro pól gní adoré le Südtirol Pass o le Euregio Family Pass sciöche dagnora convalidan la cherta denanco pié ia.