En domënia, ai 15 de dezëmber dl 2024, él le de che al vëgn ajorné i orars di bus y dles ferates. Da en chël de inant velel i orars nüs di mesi dl trasport publich local.
En chësc ann reverda les novités dantadöt l'Alta Val de Puster.
Ci sozedel pa cun l'orar?
FERATES - La mudaziun plü importanta reverda la sburlada dl orar de partënza dles ferates sön la trassa Bornech - Sanciana - Sillian de 15 menüc.
N'atra mudaziun él sön la trassa Bornech - Sanciana, olache les ferates vá sëgn döt l'ann vigni mesora.
BUS – Danter Porsenú y Bornech jarál bus sostitutifs tratan döta la dorada di laurs de costruziun dla varianta Riggertal.
Tl'Alta Val de Puster y tl Aurin vëgnel ince sburlé i orars di bus de 15 menüc, por garantí le coliamënt danter ferata y bus sostitutif.
Olá ciafi pa de plü informaziuns?
Al orar 2025 y ales comunicaziuns atuales che reverda les linies atocades pón ti ciaré sön la plata web.