Da mez jügn incá fej la sozieté de gestiun taliana dla rëi dla ferata RFI de gragn laurs sön la linia dla ferata danter Balsan y Maran. Porchël é la linia dla ferata tres ciamó stlüta, mo da en mercui, 17 de messé dl 2024 inant, jará les ferates indô regolarmënter sön chësta trassa.
La RFI á arjigné ca tles ultimes edemes danterater l'istalaziun dl sistem europeich de control dles ferates ETCS che fej a na moda che al pó jí de plü ferates indolater tl trafich dles ferates y aumënta ince la segurëza te na manira sostignibla sön döta la trassa.
La linia dla ferata Balsan-Maran gnará bonamënter ciamó n iade stlüta tl isté dl 2025 por fá laurs somiënc de aumënt dla segurëza. Ince dailó gnarál metü a jí - sciöche chësc isté - n sorvisc de sostituziun dla ferata cun bus.
Le Departimënt Mobilité cöi adöm, en colaboraziun cun südtirolmobil, esperiënzes de iade y feedback d'öga por planifiché y mëte indô a jí i bus de sostituziun.