Le sistem de paiamënt nü é da ciafé da atira inant sön l'app südtirolmubiltà y fej a na moda che ara vais da cumpré na cherta digitala ciamó plü debota y saurí. A chësta moda vëgnel ascorté i tëmps d'aspeta y schivé da paié cun scioldi en contanc.
Co funzionëia pa le sistem de paiamënt - EMS nü tl app?
Cun ma püc vari intuitifs röion pro la cherta che an ó:
1. Chirí fora la cherta
Chirí fora la cherta che an adora tl'app südtirolmobil, scrí fora i ciamps de dovëi y jí "ala cassa".
2. Dé dant la metoda de paiamënt
Ara vá da chirí fora danter metodes de paiamënt – danterater VISA, Mastercard, Apple Pay y, da merz inant, ince Google Pay y PayPal.
Sce an s'anüza de Apple Pay o Google Pay vëgn osta cherta cumprada automaticamënter tres osc aparat, zënza che al vais debojëgn da ajunté informaziuns surapró. Sce la metoda de paiamënt é bele coliada cun osc aparat o sce an l'á bele adorada denant da cumpré ite vára da la chirí fora diretamënter adöm cun i dac dá jö.
3. Confermé le paiamënt y stlü jö la transaziun
Aladô dla metoda de paiamënt chirida fora él da confermé la transaziun y dé dant düc i dac. Sce chësc vare vëgn stlüt jö cun suzes, vëgnel cherié la cherta digitala diretamënter tla seziun "Ticket“. La cherta mëss sëgn gní convalidada y mostrada sce al é n control.
Cun chësta funziun nöia vëgn la rëi südtirolmobil integrada a na moda ciamó plü smart y ti corespogn a dötes les ghiranzes modernes – y é ciamó na majera sauridanza.