Tröc prozesc vëgn digitalisá y chësc comporta ince na mudaziuun dl'adoranza di mesi publics. Che che tol le bus o la ferata dess podëi le fá te na manira scëmpla y coreta.
Chiló dessot ves presentunse i dui sistems:
1. Chertes contactless
La tecnologia contactless vëgn dantadöt adorada pro i abonamënc, sciöche por ejëmpl le Südtirol Pass, y pro les Mobilcards.
Co funzionëia pa na cherta contactless?
- Mëte la cherta pormez al simbol contactless sön l'aparat de convalidaziun;
- n "OK" vërt sön le display y n segnal acustich ves dá la conferma dla convalidaziun.
2. Chertes cun QR-code
QR-Codes é da ciafé sön les chertes de iade scëmples y sön le Südtirol Guest Pass (sön papier y tosc ince tl format digital).
A ci él pa da mëte averda canche an convalidëia?
- Les chertes vëgn lites da n sensur otich che é tla pert dessot dl aparat de convalidaziun;
- le plü saurí vára da convalidé la cherta sce an la tëgn a ca. 10 cm dal aparat;
- n punt cöce sön le QR-Code segnalëia la dërta posiziun dla cherta;
- an á convalidé dërt sce al vëgn sö n "OK" vërt sön le display y an alda n segnal acustich.
Bus regionai: l'aparat de convalidaziun é dlungia le ciafer o la ciaferia y le letur dl QR-Code é söinsom a man dërta.
Important: tigní la cherta a na manira che le QR-Code sides tla direziun dl sensur.
Informaziuns plü avisa sön la convalidaziun dles chertes ciafëise CHILÓ.