La app südtirolmobil vá sura i confins fora

L'introduziun dl coliamënt diret Landeck-Mals de dezëmber dl 2023 é n pröm vare por colié damí le Tirol dl Nord y le Südtirol tres le Ju de Resia. Incö vëgnel fat ciamó n vare implü devers dl sistem dla mobilité che vá sura i confins fora.

Por renforzé la colaboraziun di sistems de informaziun digitai y alisiré tl tëmp real le barat de dac cun nüsc vijins austriacs él gnü colié i dui sistems dl tëmp real dl südtirolmobil y dl Verkehrsverbund Tirol (VVT) y integrá tla app südtirolmobil.

Chësta integraziun ti pita n gran vantaje a che che s'anüza di mesi dl trasport publich: sëgn vára da odëi les intardiades y i iadi che toma fora di bus dla linia 273 Landeck-Mals y 210 Landeck-Nauders tl tëmp real sön le smartphone. Implü pón chirí tl'app coliamënc y orars dles linies desvalies che vá sura le confin fora.

Al momënt vára ma da obliteré i iadi cun le Südtirol Pass (Südtirol Pass, Euregio Family Pass, Südtirol Pass business) online o cun l’app südtirolmobil denanco pié ia. Le Südtirol Pass 65+, le Südtirol Pass abo+, l'Euregio Ticket Students y le Südtirol Pass free vel sciöche chertes da mostré. Scenó pón cumpré te bus chertes singoles.

De plü informaziuns é da ciafé te nostes comunicaziuns atuales > Linia 273 Landeck-Nauders-Reschen-Mals.

STA/Armin Huber