Flying Piano: Iadi plëgns de sonns cun la furnadoia dl Renun

En vëndres, ai 23 d'agost dl 2024, é öna dles diesc cabines dla furnadoia dl Renun stada na "paladina tl aier“ por l'artist Filippo Gorini y so "Flying Piano“.

I passajiers y les passajieres sön le iade dala staziun a val ala staziun söinsom dla furnadoia dl Renun é gnüs acompagná danmisdé dales 10.00 ales 11.00 y domisdé dales 18.30 ales 20.00 12 menüc alalungia dales sinfonies classiches de Beethovens, Schuberts y Bach-Busoni.

La manifestaziun de südtirolmobil y dla fondaziun Busoni-Mahler fej pert dla ligna de conzerc "Bolzano Festival Bozen 2024“.

Le festival, dediché chësc ann al 100ejim aniversar dla mort dl gran pianist Ferruccio Busoni, é gnü daurí ai 30 de messé y vá cina ai 10 de setëmber. Sön le program él rodunt 30 conzerc a chi che al tol pert passa 100 musizisć y musizistes sön paladines y posć iconics desvalis a Balsan.

STA/Ivan Brentegani