An é tl laur da passé al sistem de ticketing südtirolmobil nü. L'edema da denant él gnü ajorné le sistem de ticketing di bus de cité, da en lönesc ai 18 de merz dl 2024 jarán sëgn inant cun i bus regionai.
Ci él pa danü?
1. Tickets cun QR code
Ti info-points südtirolmobil, pro le sëntes de venüda autorisades y tl'app südtirolmobil ciafon i tickets nüs cun le QR code, che alisirëia le prozes de obliteraziun canche an senta ite te bus. Che che s'anüza di mesi dl trasport publich tëgn le ticket sön la pert dessot dl aparat de obliteraziun; l'"OK" sön le video o le segnal acustic atestëia l'obliteraziun.
2. Bus de cité: automac indô en funziun
I bus de cité á sëgn – a pert a Maran – a desposiziun automac da chertes de iade cun le QR code. Sön jorantins che é da ciafé ti bus vëgnel splighé düc i vari che alda lapró.
3. Mobile Ticketing tl'app südtirolmobil
La soluziun plü saurida por cumpré y obliteré na cherta online é tres ciamó le fonin. Sön l'app südtirolmobil pól tres gní cumpré na cherta, bel anfat sce al é no automac o portines.
De plü informaziuns é da ciafé sön la plata web südtirolmobil y sön nüsc canai di media.
STA/Maximilian Egger